NATIONAL–Gintagan duon han Chinese Embassy nga dire mapupugnan an ira pagbaton ha mga kritisismo han Senado mahuman nga ginkondena han 15 nga Senador an embahada ha Senate Resolution
Ha pahayag ni spokesman Ji Lingpeng, ginbatikos niya hi Philippine Coast Guard (PCG) spoeksman Commodore Jay Tarriela, nga gin-aalegar nga naghimo hin 195 social media posts han 2025 ngan gumamit hin caricature ni Chinese President Xi Jinping ha pakikig-istorya ha mga estudyante.
Ginmalatuamt ginapon niya nga an freedom of speech in para ha duha nga parte ngan padayon nira dedepensaran an China kontra ha gin-aalegar nga sayop nga akusasyon.
Ginduon gihapon ni Ji, nga an pira nga senador in gin-aalegar nga sayop an pagkaintindi ha Vienna Convention on Diplomatic Relations ngan ginpirit an literal nga aplikasyon hini.
Ginbatikos naman ni Senador Risa Hontiveros an embahada ha ina-legar nga pagtalapas ha Vienna Convention, ngan ginmando han Senado nga ig-deklara an persona non-grata an deputy spokesman Guo Wei.
Sumala ha embahada, padayon nira nga ginbabantayan an mga gin-aalegar nga panguguba ngan papagesplikaron an mga ine ha alegasyon kontra ha China samtang nakapukos ha diplomatiko nga pakikigsumpayan nga kooperasyon ha Pilipinas.
