Igindiwara han Ministry of Foreign Affairs han China nga mayda hira kalabutan an ira gobyerno ha AI-generated video nga iginpagawas han state-run media outlet nga naghuhulagway ha mga Pilipino kumo mga unggoy samtang ginsusukna an 2016 Arbitral Award sa West Philippine Sea (WPS).
Sumala kan Chinese Foreign Ministry spokesperson Lin Jian, waray hiya komento ha nasabi nga video ngan ginklaro nga waray ini buhata han China.
“About the video you mentioned, this is not an act of the government. I have no comment on that,” pahayag ni Lin Jian.
Sugadman, utro hini nga iginduon an maiha na nga posisyon han Beijing nga dire hini ginkikilala an 2016 South China Sea arbitral ruling, nga sumala pa hini in ilegal, ngan waray bisa.
Samtang, nagdig-on naman an Pilipinas ha bisa han nasabi nga desisyon, nga nagpapahayag nga waray legal nga basaranan an haluag nga pag-angkon han China ha gin aagawan nga kadagatan.
Nauna na nga ginhangyo ha Department of Foreign Affairs (DFA) ha state-run media outlet nga tanggalon an AI-generated video ha social media.
Iginhulagway han DFA an video kumo racist, nakakainsulto., ngan pag-minos ha dignidad han mga Pilipino.
