Nag hatag abiso ha publiko an usa nga maritime security expert ha daw pag gamit han China hin mga media outlet ngan eskwelahan agud impluwensiyahan an opinyon han publiko ha nasud.
Ha usa nga pakikipaghimangraw, igin malatumat ni anay U.S. Air Force colonel ngan anay Defense Attaché Ray Powell, basar ha mga imbestigasyon an United Front Work Department in naghihimo hin mga sekreto nga operasyon agud impluwensyahan an opinyon han publiko ha iba-iba nga nasud kaupod na ha Pilipinas.
Sumala kan Powell, an mga iristuryahon nga may mga programa hin pag promote han “patriotism” ha mga eskwelahan han China nganhi ha nasud nga gin hihingadayan an “blood transfusion plan” in daw igin isa pinaagi han Philippine Chinese Education Research Center dida han 1991.
Dugang pa hini, dida han nakalabay nga adlaw, igin patawag han Chinese Embassy in the Philippines an mga tinaglawas han pira nga mga Mandarin-language media outlets ha Manila, kun diin gin-aaghat hini an mas mahugot nga kooperasyon ug pagduso han mga impormasyon nga may tema hin nasyonalismo.
Subay pa han analyst, nagpapabilin la gihap an mga pitad ug inisyatiba nga nag-duduso ha mga estudyante nga kilal-on an Japan kumo kaaway ngan mag surat hin “spirit of joint resistance.”
Gin hingadayan pa ni Powell na gin eestudyuhan na han mga analyst an gin tatawag nga Foreign Information Manipulation and Interference (FIMI), nga nagtutudlok ha mga operasyon han China nga impluwensyahan an opinyon han publiko ha iba nga nasud.
Ha pagkayana, waray pa magpagawas hin pamahayag an Chinese Embassy, Department of Education, Department of Health, ngan Malacañang kabahin han nasabi nga isyu.
