NATIONAL – Mas kumusog pa an panawagan nga tapuson na an child labor ha nasud kahuman han pagtutok han Department of Social Welfare and Development ha nasabi nga problema.
Syahan hine in ginlunsar han DSWD an Strategic Helpdesk for Information, Education, Livelihood, and Other Developmental Interventions o SHIELD kontra ha child labor program.
An nasabi nga programa in may panuo nga tuldukan an paggamit ha mga kabataan o pagpirit nga pagpatrabaho ha mga kabataan nga nagigin rason han pagkaka-expose ha mga dire maupay nga sitwasyon, pagkaguba han ira panlawas ngan pagtubo, kaupod na an epekto ha ira pag-iskuyla.
Sumala kan SHIELD Against Child Labor Focal Person Maribel Barcenas, nakasulod dinhi an pira nga mga komprehensibo nga programa ngan serbisyo ngan nakikit-an nga magpupugong ha child labor sugad han intervention han gobyerno ngan regular ngan dayalogo ha mga kuminidad.
Labot pa hine, makakakawarat gihapon hin bulig pan-edukasyon ngan pakabuhi an mga natudlok o profiled child laborer ha nasud.
