TACLOBAN CITY–Ginklaro han City Disaster Risk Reduction Management Office (CDRRMO) Tacloban, an magkalain lain nga pinagi hin pag-isyu hin class suspenssion durot hiton maraot nga panahon.
Sumala kan Tacloban City CDRRMO Head, Ildebrando Bernadas, kalakip hine an Department of Education (DepEd) Order 22. series of 2024 kun diin otomatiko nga suspendido an klase ha kindergarten kun gin-isa an Tropical Cyclone Wind Signal (TCWS) #1 ha siyudad.
Suspendido naman an klase tikang kindergarten kutob Grade 10 ha TCWS #2, kun diin igpapailarom an klase ha modular distance learning, performance tasks, projects o makeup classes subay hiton Learning and Service Continuity Plan (LSCP).
Samtang otomatiko naman nga suspendido an klase ha ngatanan nga lebel pati na an trabaho kun ig-isa na an TCWS #3 pahitaas.
Ginklaro naman hine nga kun pananglitan waray rainfall warning ha kaluyo hiton inclement weather disturbance ha mga magkalain lain nga komunidad in kinahanglan hin lokal nga ehekutibo nga desisyon, mahitungod nga gawas na ine hiton sakop han nasabi nga DepEd Order.
Manunumduman nga nanawagan hi Mayor Alfred Romualdez, pati na an ira opisina hin coordinated effort tikang ha DepEd ngan bisan ano nga swkelahan kanit hiton pagkansela hin klase.
