TACLOBAN CITY- Ginmalatumat han Philippine Statistics Authority PSA Leyte, an dako nga gamit han Community Based- Monitoring System (CBMS), ha kada komunidad ha rehiyon.
Sumala kan PSA Leyte Chief Statistical Specialist, Sheryl Ann Jamisola, an CBMS, in natindog kumo usa nga sistema, nga subay ha iralom han kapas han Republic Act No. 11315, agud nga mangolekta han disaggregated, local nga datos han mga socio-economic, agud nga matudlok an mga benepisyaryo para ha social protection program ngan igpahibaro ha local nga pangobyernohan an pag pla-plano, paghimo han patakaran ngan pagsubaybay ha magigin epekto hine.
Dugang pa ni Jamisola, nga ginpapangunahan ine han Philippine Statistics Authority (PSA) ngan mga kasugbong hine nga ahensya, agud nga maghikay hin datos ha komunidad, barangay ngan institusyon, agud nga masigurado nga nasusubay ha ebedinsya an paghimo han desisyon ngan may transparensiya an tanan nga mga proseso.
Mababaruan nga pangunahon nga panuyo han CBMS in matudlok an mga kablas nga pamilya ha usa nga kumonidad agud nga maasisteran ine hin maupay han gobyerno.
