-- Advertisements --
TACLOBAN CITY — Maabot na ha 78 nga casualties an naitala ha bug os nga Leyte matungod han paglasurbo han Bagyong Agaton.
Basar gihapon ha inisyal nga report, maabot na ha 6 an nawawara nga biktima Baybay City.
Sumala kan PLt. Hazel Vacal, Information Officer han Leyte Police Provincial Office, 47 han mga casualties in tikang ha Baybay samtang an 31 in nagtikang naman ha Abuyog Leyte nga usa gihapon ha pinakadistroso nga munisipalidad.
Naglalaum naman an pira nga mga rescuers nga mayda pa nira masasalbar nga mga kinabuhi sugadman ha mga natak-upan han landslide durot han bagyo.
Ha pagkayana in nagpapadayon pa an mga search and rescue retrieval operation nga gindudumara han mga otoridad ha mga Baranggay nga grabe naapektaran han bagyo.
