SPORTS – Nakatalaan nga mag-training ha nasud Japan hi Filipino Olympic Gold medalist Carlos Yulo ngan pira nga gymnast han nasud.
An nasabi nga training in preparasyon para han kanan World Championship nga pagdudumaraon ha Jakarta, Indonesia tikang hiton Oktubre 19 ngadto ha 25.
Ha diri pala maiha, nakigkompetensya hi Yulo ha Asian Championships ha South Korea kun diin nakakuha hiya hin usa nga gold medal ngan tulo nga bronze medal.
Pira han mga kaupod ni Yulo amo hira Ace de Leon, Miguel Besana ngan John Ivan Cruz, samtang an manghod ni Carlos nga hi Karl Eldrew in mag-training gihapon ha Japan.
Ugsa hini, nagpahuway hi Yulo hin haros 10 ka bulan tikang han iya kadaugan dida han Paris Olympics, kun diin nagpatapod hiya nga makakab-ot niya an kalampusan dida han mga torneo nga iya pag-aapihan.
