-- Advertisements --
TACLOBAN CITY – Usa nga buhawi nga dara ni Bagyong Aghon an umigo ha mga panimalay han Brgy. Caburihan, Lavezarez, Northern Samar dida han alas-2:30 han maagahon han Mayo 25.
Sumala kan Beejoy Cadampog, MDRRM Officer hiton Lavezares Northern Samar, tigda la nga kumusog an hangin ngan uran kun diin nagkamay-ada gihapon hin power outage ha nasabi nga lugar.
Upat nga panimalay an nahipatik nga totally damaged ngan walo naman an partially damaged, samtang, naguba gihapon an atop han covered court han nasabi nga lugar dara han makusog nga hangin.
Maabot naman ha P350,000 nga kantidad an nahireport nga danyos han buhawi ha nasabi nga lugar.
Waray naman may nahipatik nga nasamaran han insidente.
