Gin pagawas na han South Korean group nga BTS an ira bag-o nga album nga “Arirang.”
Ini an pinakasyahan nira nga album mahuman an upat katuig nga pagpahuway.
Dida han nakalabay nga upat katuig manggud in nagpailarom ha mandatory military service an kada membro han grupo.
Kadungan gihapon hini in ginpagawas nira an music video han ira lead single nga “Swim” kun diin kaupod ha video an aktres nga hi Lili Reinhart.
An “Arirang” album in nagsusulod hin 14 nga kanta nga mapapamatian ha ngatanan han mga digital streaming platform.
Yana gihapon nga adlaw, Marso 21, in makikit-an an ira concert nga pagbubuhaton ha Gwanghwamun ha Seoul.
Samtang ha maabot nga Marso 27 in igpapagawas han grupo an ira documentary kasumpay ha paghimo han album nga Arirang.
Ha bulan han Abril naman in magtitikang an ira Arirang world tour kun diin an duha nga syahan nga show in makikit-an ha mga sinehan ha bug-os nga kalibutan.
Nakatalaan magdumara hin concert an grupo ha maabot nga Marso 2027.
Duro naman an kalipay han mga fans han gurpo ha bug-os nga kalibutan mahitungod nga maiha nira gin hulat an pagbalik han grupo ha entablado.
