NATIONAL NEWS– Nagkamayda hin otorisasyon an (BSP) nga makit-an ngan igpaangbit an financial account information nga dire gintatalapas an bank secrecy o data privacy laws.
An nasabi nga pitad in kaparti han Anti-Financial Account Scamming Act (AFASA) ha ilarom han Circular 1214 nga gintutugutan an Consumer Account Protection Office (CAPO) nga magdumara hin inquiry ha banko, e-wallet o iba pa nga mga financial accounts nga gin-aaligar nga gingagamit ha scams kumo phishing, money muling ngan social engineering schemes.
Nakasulod ha kamanduhan han CAPO nga posible nira tikangan an inquiry kun magsumiter hin request an mga otoridad sugad han pira nga mga government o law enforcement agencies.
Dugang pa hine, magpapagawas ine hin inquiry order an BSP nga nagmamando ha financial institution nga magsumiter han tanan nga kinahanglan nga dokumento.
