NATIONAL – Nakuha han Bangko Sentral ng Pilipinas (BSP) an “Best Recirculation/ Distribution Initiative or Innovation” award tikang ha International Association of Currency Affairs (IACA) para ha paglulunsar han Coin Deposit Machines (CoDMs) ha bug-os nga Metro Manila.
Ginkarawat ni BSP Assistant Governor Rosabel Guerrero an tropeo ha ngaran han central bank ha seremonya para ha IACA’s “2024 Excellence in Currency Awards for Coin” nga gindumara ha Lisbon, Portugal.
Subay ha international body, an panuyo han Coin Deposit Machines project nga aghaton an mga Pilipino nga gamiton an ira natirok nga sensilyo kabalyo han e-wallet credits ngan shopping vouchers in nagpapakita han “forward-thinking approach” han BSP tikadto ha mas epektibo ngan napapabilin nga paglibot han sensilyo ha Pilipinas.
Gin paangbit gihapon han award-giving body an positibo nga epekto han CoDMs ha kinabuhi han mga Pilipino nga pwede gumamit han ira e-wallet kumo potensyal nga ‘gateway’ ha iba pa nga importante nga serbisyo ha pananalapi.
Tikang han iglunsar ine dida han 2023 in nakakolekta na an CoDMs in sobra P1B nga kantidad hin mga sensilyo.
