TACLOBAN CITY– Ginpahibaro han Department of Education Eastern Visayas, nga magtitikang na an kick-off ceremony han Brigada Eskwela 2024 ha maabot nga Hulyo 22, 2024.
Sumala kan Jasmine Francisco Calzita, Information Officer han DepEd-8, nga ha mao nga Brigada Eskwela, gin-aaghat adton mga kabataan magin an ira mga kag-anak nga maki-usa matungod nga para man ine ha ira mga estudyante.
Dugang pa han mao nga tagapagyakan, nga dire mangud sugad kadamo an trabahuon ha pagkayana, matungod nga waray man mga guba ha pira nga mga eskwelahan.
An Brigada Eskwela, nga ine in boluntaryo nga buruhaton, para igduso an bayanihan ngan magkamayda hin parti adton mga kag-anak nga maki-usa ha mao nga Brigada, matungod nga an ira naman mga anak an makaka benepisyon hine.
Ha lain nga bahin, ginlalauman naman nira nga madudugangan pa an ihap han mga estudyante, nga mag- eenroll ha pira nga mga public ngan private school ha rehiyon.
Mababarun, magtitikang naman an klase ha maabot Hulyo 29, 2024.
