TACLOBAN CITY– Waray na kinabuhi an usa Brgy. Tanod, han makit-an ine han mga residente ha Sitio Manglos, Brgy. Garawon, Hernani Eastern Samar.
Ginkilala an biktima kan alyas “Mulo” 37-anyos ngan barangay tanod han mao nga barangay.
Sumala kan PCpt. Rongy Video, Acting Chief of Police, Hernani Municipal Police Station, nga ha ira pag respondi ha crime scene nakuha ha biktima an improvised nga pusil kalakip an iya sundang, ngan ma-abot ha 7 nga igo han pusil an na-angkon han biktima, nga ginkikita nga rason han iya kamatayon.
Subay ha ira kadugangan nga imbestigasyon, ha nagin salaysay han asawa hiton biktima nga lumakat an iya asawa han gabi, kun diin mayda ine dara nga improvised nga pusil, ngan sundang, ngan waray naman magdadahom an iya asawa nga matatabo an mao nga panmumusil.
Nakuha naman ha crime scene an 8 nga basiyo han caliber 9MM.
Ha pagkayana, padayon pa an ginhihimo nga imbestigasyon han mga otoridad, kasumpay ha motibo ngan rason han pagpamumusil ha biktima.
