TACLOBAN CITY – Arestado an usa nga Brgy. Kagawad han Brgy. Concepcion Hilongos, Leyte ha ginbuhat nga Anti-Illegal Gambling Operation han mga kapulisan hiton Hilongos Municipal Police Station.
Ginkilala an suspek kan Elmer Wagas, 51 anyos an pangidaron, incumbent Brgy. Kagawad, ngan residente han Brgy. Concepcion Hilongos, Leyte.
Sumala kan PLt. Edwin Villarino, Officer-in-Charge han Hilongos Municipal Police Station, naaresto ha akto an suspek nga nagbubuhat han pagpataya.
Nakuha ha suspek an tulo nga white blank stab, tulo nga Daily Swertes Tip, unom nga blank STL stab, siyam nga blank tally sheet, usa nga blue calculator, usa nga black ballpen ngan P1,000 nga bet money.
Dayon naman ine nga gindara ha Hilongos Municipal Police Station ngan mag-aatubang ine ha kaangayan nga penalidad.
