TACLOBAN CITY– Padayun itun gindudumara nga pangandaman han Brgy. 39 Calvary Hill para ha ti-arabot nga semana santa.
Sumala kan Ricardo Gardo Brgy. Chairman han Brgy. 39 Calvary Hill, nagkamay-ada paghingyad han mga railings ha station of the cross han nakalabay nga adlaw.
Kaupod gihapon pag-ayad an mga hagdan ngan sarak-an nga nagkaruruba.
Nagtikang naman daw pag grass-cutting ha igbaw nga area han bukid ngan yana nga semana gihapon in magkakamay-ada pamintar ngan pagpaupay pa han mga rebulto han station of the cross.
Dugang pa han mao nga opisyal, magpapalaga na daw gihapon hin street lights, ngan ha pagkayana in makikipagsumpayan gihapon ine ha mga kapulisan ngan iba pa nga volunteers para ha pagbabantay ngan seguridad hiton mga indibidwal nga mabisita han nasabi nga bukid.
