TACLOBAN CITY– Nakiki-usa an Department of Health Eastern Visayas, ha Breast Cancer Awareness Month yana nga bulan hiton Oktubre.
Sumala kan Department of Health Eastern Visayas, Information Officer, Ken Fabula, an nasabi nga selebrasyon in dire karuyag sidngon nga ginkakalipay hiton kadam-an an pagkakamayda hin sakit nga breast cancer, lugod ine in dalan agud nga igduso ngan igpadulot an pagigin resilience han mga indibidwal nga naduktan han nasabi nga sakit.
Subay ha ira kapot nga record, ha pagkayana mayda hira suspicious breast mass nga 151 nga kababayen-an, ngan para naman hiton screen for breast mass in ada ine ha 3, 371 nga kaso ha bug-os nga rehiyon 8.
Dugang pa hine, nga an Leyte an may pinakadamo nga kaso han nasabi nga sakit kun diin nakaghipatik an ira buhatan hin sobra usa kayukot nga kaso hiton breast cancer tikang han tuig 2024-2025.
Ha pagkayana, padayon pa an ira ginhihimo nga monitoring ha nasabi nga sakit hangtod nga mahuman an presente nga tuig.
