NATIONAL – Iginpatawag ni Finance Sec. Ralph Recto an mga opisyal han Bureau of Internal Revenue (BIR) ngan Bureau of Customs (BOC) para ha usa nga Command Conference.
Ine in agud mahibaruan an performance han koleksyon han mga ahensya ngan paghingadayan an mga plano agud makab-ot an mga target para ha tuig.
An preliminary data tikang han Enero kutob Hulyo 2024 in nagpapakita nga an BIR in nakakakolekta hin P1.68 trilyon, nga nakagparehistro hin sobra-kulang 13% nga paghitaas tikang ha kaparehas nga panahon han nakalabay nga tuig.
An koleksyon han BOC in humitaas gihapon hin sobra-kulang 6.0$ P536.42 bilyon para ha Enero kutob Hulyo 2024.
Ha pagkayana, ginpapakusog na han BIR an pagpapatuman han mga digitalization program, kun diin papahugton an mga program hine ha pagpapatuman han buwis ngan maghahabol ha mga tax evaders.
Padayon naman nga pag-uupayon han BOC an pangongolekta han mga kabaraydan ngan buwis ha pag-aangkay, sisiguraduhon an pagsunod han importer ha mga balaod han customs, ngan papakusgon an proteksyon ha border ngan ports agud matudlok an mga undervalued ngan misclassified commodities.
