ODD NEWS- Nahikalasan an tag-iya han usa nga refrigerator ha nasud Virginia, U.S.A. mahuman nga mabilngan an usa kabug-os nga biscuit nga hinimo tikang pa han tuig 1940.
Nakaka-pausa la kun kay-anu ine umabot ha 84 katuig nga nakatago ha nasabi nga ref.
Pag-hulagway han usa nga uploader nga hi Andy, nakit-an nira an biscuit ha freezer han ira Lola nga namatay na.
Mahuman nga limpyuhan han ira pamilya an balay han ira Lola, dayon nira nga nahikit-an an nasabi nga biscuit kun diin mayda pa ine note nga : “Biscuit made by Mrs. Dara L Chambers in August 1940 at the Blankenship home.”
Ha pagkayana, dire pa nasusulbar han pamilya Andy kun kay-anun waray kauna an nasabi nga biscuit ngan mas ginpili nga taguon ha sulod hiton halaba nga panahon.
Matungod dinhe, mas ginpili nala nga igbutang utro ha freezer an nasabi nga biscuit kumo hinumduman ha ira Lola.
