NATIONAL – Pakyas nga makuha han Bureau of Internal Revenue (BIR) an target collection hine para ha syahan nga katunga nga parte han 2024.
Subay ha report han ahensya, kinulang ine hin tulo ka-porsyento ha target collection nga syahan nga igin latag han Development Budget Coordination Committee (DBCC).
Basar ha mangud ha target han DBCC, P1.403 trillion an dapat unta nga koleksyon han BIR para ha syahan nga unom kabulan pero nagawas nga tikang han Enero kutob ha paghuhuman han Hunyo in umabot la ha P1.36 trillion an nahimo hine nga kolektahon.
Subay pa ha BIR, an P1.36 trillion nga nakolekta in mas hitaas pa kumpara ha P1.219 trillion nga syahan nga nakolekta han ahensya dida han nakalabay nga tuig.
Sugadman in waray la gihapon ine magin supresyente para makab-ot an 100% nga target ha syahan nga unom kabulan han tuig.
