TACLOBAN CITY – Ginpahayag han Bureau of Fire Protection (BFP) Regional Office 8 nga ada na ha stable nga kondisyon an pito nga mga trainees nga gin-aalegar nagkaada hin sakit ha kidneys ha kasagsagan han ira training.
Sumala kan Fire Chief Supt. Rodolfo Denaga, Regional Director han BFP 8, ha pagkayana in nakauli na ha ira mga panimalay an mao nga mga BFP trainees samtang an usa naman ha mga ini in nadiagnose hin acute kidney injury sanglit kinahanglan pa hini nga magkaada hin dialysis.
Ginsisiguro naman han BFP 8 nga pwede pa maka-apply utro an mao nga mga BFP trainees ha masunod nga hiring process pero kinahanglan pa han mga ini nga magpakondisyon han ira mga panlawas.
Padayon naman an pakipagsumpayan ngan paghatag hin bulig han BFP ha mao nga mga trainees sugadman ha ira mga pamilya.
