TACLOBAN CITY – Nagpalusad hin panibag-o nga Red Tide Advisory an Bureau of Fisheries and Aquatic Resources kun diin nagpapabilin la gihapon ha ilarom han shellfish ban an Matarinao Bay ha Eastern Samar kun diin sakop hini an mga bungto han General MacArthur, Quinapondan, Hernani, ngan Salcedo, mahitungod nga nagpositibo ha red tide toxin (saxitoxin) an mga shellfish meat samples o sample han mga unod hin pangti-on na ginkolekta hini nga kadagatan.
Sumala ha buhatan nga mahugot nga igindidire an panguha, pagkaon ngan pangolekta hin ngatanan nga klase hin panti-on o shellfish ngan “Alamang” nga tikang hini nga kadagatan.
An isda, nu-os, pasayan ngan masag nga tikang hinin nga kadagatan in puydi igkunsumo basta siguraduhon la naton nga presko ngan tatanggalon an hasang sugad han tina-i ngan hasang, ngan huhugasan hin maupay gamit an running water.
