TACLOBAN CITY– Ginpahibaro han Bureau of Fisheries and Aquatic Resources BFAR Region 8, nga mayda bag-o nga ginpalusad an ira buhatan nga Local Red Tide Warning ha Sinirangan Bisayas.
Sumala kan Christine Gresola, Information Officer han Bureau of Fisheries and Aquatic Resources BFAR Region 8, nga ha mao nga red tide warning nahidungan ang baybayon han Villareal Samar.
Manunumduman, una na nga nagpatuman hin Local Red Tide Warning han nakalabay nga adlaw, kun diin an mga ine in an kabaybayunan han; Daram Island, Zumaraga Island, Maqueda Bay Samar (Jiabong, Motiong, Paranas, San Sebastian, Calbiga, Pinabacdao, Hinabangan) kalakip gihapon an Cambatutay Bay,(Tarangnan Samar), Irong-Irong Bay (Catbalogan Samar), Coastal Waters of Calbayog Samar, ngan an Matarinao Bay Eastern Samar (General MacArthur, Quinapondan, Hernani, and Salcedo), Guiuan Eastern Samar (Coastal Waters of Calbayog City, Samar).
Dugang pa ni Gresola, ha pagkayana gindidire la anay an pagkuha, pagkaon, ngan pagbaligya han bisan anu nga klase han pangti-on ha mao nga kabaybayunan.
Gintagan naman hin pagklaro han nasabi nga tagapagyakan, nga pwede naman kaunon an isda, nu-os, pasayan ngan masag, siguraduhon la nga presko an mga ine, tatangalan han ira mga hasang o tina-e, ngan hugasan hin maupay ugsa nga lutuon.
Ha lain nga bahin, ginpaangbit han mao nga tagapagyakan, nakahipatik hira hin casualty ha area han Zumaraga Island Samar, nga gin-aalegar nga kuma-on ine hin tahong tikang ha baybayon han nasabi nga lugar, kun diin gindeklara nga mayda local red tide.
An nasabi nga namatay in usa nga 65-anyos ngan residente han mao nga lugar.
Ginpaangbit naman hine, nga mayda gihapon gintutumar nga maintenance an nasabi nga senior citizen.
Nagpahimatngon naman hi Gresola ha publiko, nga magsunod ha ira ginpapalusad nga mga warning advisory, matungod nga para man gihapon ine ha katalwasan han ngatanan.
