NATIONAL – Nakatalaan nga kumarawat hin Social Security System coverage an mga benepisyaryo han Pantawid Pamilyang Pilipino Program (4Ps) kumo kaparte han joint program ha butnga han SSS ngan Department of Social Welfare and Development (DSWD).
Ha ilarom han 4Ps AkanSSSya Program, nga sakop hin usa nga memorandum of agreement (MOA) nga gin pirmahan kakulop nga adlaw, Hulyo 8, an mga benepisyaryo han 4Ps in tatagan hin access to low-cost social insurance nga nasakop ha kawaray kita, pagkakasakit, ngan iba pa kaupod an binulan nga premium nga babatunon han mga benepisyaryo.
Subay ha DSWD, magbubug-os an SSS hin contribution subsidy table partikular ha 4Ps organized group nga tutudlukon subay ha actuarial study ngan an aktwal nga kapasidad han mga benepisyaryo nga magbayad han minimun monthly amount nga P570.
Kaupod ha mga sakop han programa in an mga benepisyaryo han 4Ps nga membro han mga asosasyon han mga mananarabaho, mga informat sector groups, ngan mga asosasyon han sustainable livelihood program.
Sumala kan DSWD Assistant Secretary and Spokesperson Irene Dumlao, kinahanglan nga matutduan an mga benepisyaryo han 4Ps han importansya ngan benepisyo han SSS membership ngan savings.
