Hin-o an maghuhuna nga an bato ha apdo han baka (cow gallstones) in mas mahal pa kumpara ha bulawan?
Ha presente, iginkokonsidera ini nga usa ha pinakamahal nga commodities ha kalibutan mahitungod ha padayon nga paghitaas han demand tikang ha mainland China ngan HongKong.
Subay ha mga notisya, ginagamit an mga tumig-a nga digestive fluids ha traditional Chinese medicine agud tambalon an mga grabe nga sakit sugad han troke, hypertension, ngan iba pa cardiovascular diseases. Kilala ha tawag nga Niu Huang, naabot an presyo hini ha $5,800 kada ounce o sobra P324,000 dida han 2025.
An pangunahon nga rason han pagmahal hini in an kakulangan hin suplay. Kaurugan nga nabubug-os an bato ha apdo kun lagas na an baka, pero mas ginpipili han mga slaughterhouses nga katayon an mga hayop samtang bata pa para ha mas maupay nga kalidad han karne ngan mas madagmit nga produksyon.
Mahitungod ha sobra kahitaas han kantidad, dumako an pamaligya hini ha black market ngan nagin hurak an pangawat ngan smuggling ha Brazil, Australia, ngan US. Ha Sao Paulo, Brazil, mayda mga armado nga grupo nga ginkakawat an gallstones han mga baka.
Agud mabaton an duro nga kakulangan, nakabug-os an Chinese researchers hin synthetic o lab gown han alternatibo nga nasusubad an epekto hini.
Sugadman, mayda mga notisya nga tikang ha Russia nga nagpahahayag nga magin an bato ha apdo han tawo (human gallstones) in hitaas gihapon an demand ha China.
Subay ha report, naibabaligya an usa kabug-os hini ha $1,270 o ada ha P71,000, depende ha kadako ngan kalidad.
