-- Advertisements --
TACLOBAN CITY – Patay an usa nga bata ha Brgy. Curry, Lope de Vega mahuman nga malumos.
Ginkilala an biktima nga usa nga lalaki ngan 9-anyos an pangidaron.
Sumala kan Lope de Vega Municipal Police Station Investigator, PCpl. Jerson Jomadiao, kumarigo ine nga bata kaupod an iba pa nga kabataan ha salog kun diin dida han pag-iha-iha in kumusog an agos han tubig ngan nadara kahi-anod an nasabi nga biktima.
Upod han biktima an iya usa nga bugto ngan mga kasangkayan pero talwas naman an mga ine.
Nakit-an naman an patay nga lawas hine dida han nakalabay nga adlaw ha butnga han Brgy. San Miguel ngan Curry, Lope de Vega, Northern Samar.
