Usa nga 9-anyos nga bata nga babaye an nakakuha hin atensyon online mahuman hini malinampuson nga mabuhat an 180 pounds nga barbell—kaparehas han haros tulo kabeses han iya kalugaringon nga timbang.
Ginkilala an bata nga hi Lucy Milgrim, nga mayda timbang nga sobra-kulang 60 lbs. Labot ha weightlifting, naghahag-id gihapon hiya ha professional wrestling ngan regular nga nabisita ha gym hin lima kabses ha sulod han sa kasemana. Mayda kapot gihapon ini nga tulo karecord ha ilarom han USA Powerlifting organization.
Mas nagin viral hi Lucy han magsarang an video han iya malinampuson nga pagbuhat han 180 lbs nga barbell ha atubangan han mga magkirita ha Arnold Sports Festival sa Columbus, Ohio. Sumala ha tatay hini nga Brett, nagtikang an interes ngan kapas ni Lucy ha pagbubuhat han toddler pala ini, mahuman nga sumubad ha ira pag-eehersisyo ha ira balay.
Sugadman, kadungan han pagbilib in an pagdako han mga sukna ngan pagkabaraka tikang ha mga netizen. Iginduon han pira ng posible dire pa andam an lawas han usa nga 9-anyos para ha sugad nga klase han magbug-at han paghag-id.
Partikular nga ginmalatumay han pira nga komento an posible nga epekto hini ha gintatawag nga growth plates—mga parte han tul-an nga importante ha pagtubo han bata—nga posible maapektaran kun masobrahan ha kabug-at o sayop nga porma han pagbubuhat.
Mayda gihapon nagpahimatngon kasumpay ha iba pa nga posible danyos kun dire in gingigiyahan hin sakto ha training ngan supervision.
Ha presente, waray pa opisyal nga pahayag an pamilya Milgrim kasumpay ha mga nasabi nga batikos ngan pahimatngon tikang ha publiko.
