TACLOBAN CITY – Nagpahayag hin pagkasubo an basketball community ha syudad han Tacloban bahin tigdaay nga pagkamatay ni basketball legend Kobe Bryant mahuman nga maaksidente an ginsasakyan hini nga helicopter kun diin kaupod hini an iya anak.
Sumala kan Engr. Noli Cabibihan, usa nga basketball coach, ginkakasubo nira an mao nga panhitabo nga dire ginlalauman dire la han mga basketball fans kundi han bug-os nga kalibutan.
Dugang pa hini nga dako an naibulig ni Kobe Bryant ha basketball sports ngan damo gihapon an nabuligan hini partikular na an ginbuhat nga pagbulig hini ha mga biktima han Supertyphoon Yolanda.
Ha urhi, in nagpahayag naman hini pakikisubo ngan simpatya an mao nga basketball coach ha pamilya ngan mga kasangkayan nga ginbayaan ni Kobe Bryant.
