BORONGAN CITY – Ginpahibaro ni Dr. Marixel Caspe Evardone, Schools Governance and Operations Division Head (SGOD) han DepEd Eastern Samar, an kahimtang han literasiya ha probinsya durante han 3rd Quarterly Provincial Science, Technology, and Innovation (STI) Council Meeting.
Sumala han 2024 Functional Literacy, Education, and Mass Media Survey (FLEMMS) nga ginpatuman han Philippine Statistics Authority (PSA), an Eastern Samar in mayda 88.4% basic literacy rate, nga nagbutang ha probinsya ha ikalima nga ranggo ha Eastern Visayas, sunod han Leyte.
Iginpahayag ni Dr. Evardone nga ini nga datos in nangangahulogan nga damo nga Estehanon an maaram magbasa, magsurat, ngan magkwenta, pero mayda pa gihapon dako nga porsyento han mga tawo nga diri pa nakakagamit o nakakaintindi han impormasyon ha ira adlaw-adlaw nga kinabuhi.
An pinaka-ubos nga lebel han functional literacy nakit-an ha edad nga 50–59 kun diin 36 ha kada 100 nga literate an may kakulangan ha pag-intindi.
Nanawagan naman hi Dr. Evardone hin koordinado nga paningkamot tikang ha LGUs, civil society organizations, education stakeholders, ngan fevelopment partners basi mapakusog an mga literacy programs ngan mapahaluag an access ha kalidad nga edukasyon ha bug-os nga Eastern Samar. (via Bombo Shiela Encio)
