TACLOBAN CITY– Maabot ha 11 nga mga eskwelahan ha rehiyon otso an naki-usa ha gindumara nga Banda Rayhak 2025, ka kulop nga adlaw.
Sumala kan Banda Rayhak Chairman, Stephen Lagardo, ha nasabi nga ihap, 4 dinhi an ha elementarya samtang 7 naman an ha sekondarya nga mga eskwelahan.
Dugang pa ni Lagardo, nga an Banda Rayhak, in gindudumara kadungan hiton pagsalin-urog han The Leyte Gulf Landings, kinada tuig.
Ginpaangbit pa hine nga an nasabi nga paisan-isan in suportado hiton Leyte Provincial Government, ngan gin-oorganisa naman hiton Pintados Foundation.
Para ha mga nagdaog, ha Junior Division ( Elementary ) nakuha hiton Caibaan Elem. School an 1st place, nag ika-duha naman an Rizal Cenrtal Elem. School, ngan an ika-tulo an Dolongan Elem. School ha Basey Samar, ngan nag-ika upat an Bayanihan Elem. School dinhe ha Tacloban.
Para naman ha Senior Divisions (High School), nakuha hiton Samar National School ha Catbalogan City an 1st place, samtang nag -ikaduha naman Naval Biliran, ngan ika-tulo an Tolosa Leyte, samtang nag ika-upat naman an Biliran State University, samtang nag -ika-lima naman an Stefti dinhe ha Tacloban.
Nakakuha naman hin tag P80K an tanan nga nag 1st placer, samtang P60K naman para hiton 2nd placer, ngan P40K para han 3rd placer.
Mababaruan nga labot la ha papremyo, mayda gihapon hira ginhatag nga mga special awards, sugad hiton Best Conductor, Best in uniform, Best drum line, ngan damo pa nga iba.
