TACLOBAN CITY – Usa nga insidente han sunog an nahipatik ha Brgy. 7 Poblacion, Can-Avid Eastern Samar kun diin gintatag-iyahan ine han Mayor han nasabi nga lugar.
Ginkilala an tag-iya han balay kan Hon. Vilma Germino, ada ha legal nga pangidaron, Municipal Mayor, ngan residente han nasabi nga lugar.
Sumala kan FO3 Nikko Thom Balayanto, Fire and Arson Investigator hiton Can-Avid Municipal Fire Station, problema ha electric wirings an rason ngan gintikangan han sunog.
Basar ha gindumara nga imbestigasyon, nagtikang an sunog ha usa nga electrical switch kun diin han pag abrihi han tag-iya han balay an switch in nagtikang ine hin kalayo ngan nagsarang naman ha bug-os nga 2nd floor han panimalay.
Dire naman maubos ha P2,000,000 an kantidad han mga nasunog kun diin kaupod gihapon ha mga nasunod an importante nga gamit ha kwarto han Mayor.
Nagtikang an nasabi nga sunog dida han alas-5 han kaagahon ngan naparong naman dida han alas-6:30 han aga ha kaparehas nga adlaw.
