ODD NEWS – Nahikalasan an bago nga kasal nga lalaki mahuman madiskubrehan nga lalaki ngayan gihap an iya ginpakaslan nga bride ha nasud Indonesia.
Ini an natabo ha usa nga newly wed diin mahuman la an 12 ka oras tikang han ira pagka-asawa in didto la niya nahibaruan an tinood nga ikinatawo han iya misis.
Mahuman mahibaruan in dayon niya nga ginpa-aresto ha kapulisan an iya asawa.
Ugsa paman an ira kasal in nagdesisyon na an babaye nga igsekreto la anay ngan diri igparehistro an ira kasal.
Ha luyo han mahinhin nga pagkatawo ngan ha malumanay nga boses hini in waray gud magdahum an mister nga mayda ngayan nakatago nga sekreto an iya misis.
Nahibaruan gihapon niya nga amu ngayan nadiri an iya misis nga igparehistro an ira kasal tungod nga nadiri ini nga masabtan nga hiya ngayan in usa nga lalaki.
