TACLOBAN CITY – Samaran an usa nga biktima mahuman ine nga panigbason han iya magurang ha sulod la gihapon han ira panimalay.
Ginkilala an biktima nga hi Edmund Pinca 39-anyos residente han Brgy. Atipolo Laoang Northern Samar.
Samtang ginkilala naman an suspek kan Eduardo Pinca, 47-anyos ngan residente han nasabi nga Barangay.
Sumala kan, PCapt. Lyndon Dagalea, Acticng Chief of Police Laoang Municipal Police Station, nga natabo an panawtaw samtang nakaon an biktima.
Subay ha gindumara nga imbestigasyon, nag-iinom an suspek han magakamayda hin dire diskusyon ha butnga han biktima ngan suspek, rason nga tawtawon hine an iya bugto.
Nakag-angkon naman hin samad ha nawong ngan bungkog an biktima ngan dayon naman ine nga gintagan hin dayon nga medikasyon.
Usa ha mga ginkikita nga rason han mga otoridad in problema ha pamilya an hinungdan han nasabi nga panhitabo.
Hapagkayana in padayon nga ginhahalpat an nasabi nga suspek ngan nakipag sumpayan na gihapon an mga otoridad ha pamilya han biktima ngan suspek.
