ODD – Ginsentensyahan hin walo ka tuig nga kapresohan an usa nga babaye ha United Kingdom nga nagpanggap nga 16 anyos nga lalaki ha social media para makapan biktima hin mga igkasi babaye.
Guilty ha kaso nga sexual assault an 21 anyos nga hi Gemma Watts nga nagpakilala nga Jake Waton ha social media platform sugad han Snapchat ngan Instagram, sumala ha The Telegraph.
Pira ha mga nabiktima nga natudlok han otoridad an usa nga babaye nga may edad nga 13, duwa nga 14 anyos ngan usa nga 16 anyos.
Ginprobaran na han kapulisan nga makipagsumapayan ha ginbabana-bana nga masobra 50 pa nga kabbayin-an nga nabiktima gihapon han suspek.
Sumala ha otoridad, may mga biktima nga naireport nga nagprobar nga pasakitan an ira kalugaringon samtang an iba in naaapektuhan an mental health tungod ha panhitabo.
Tikang ah North London an suspek nga nabiyahe kun diin diin ha nasud para makipagkita ha iya mga biktima.
