TACLOBAN CITY– Usa nga bisita ha Crater of Diamonds State Park ha Arkansas an nakapurot hin 3.72-carat yellow diamond, an pinakadako nga diyamante nga natad-an ha mao nga park ha sakob han masobra duwa ka tuig.
Sumala kan Miranda Hollingshead, 27, nalingkod la hiya ha usa nga ligid ngan nagkikita hin usa nga YouTube video ha iya cellphone kasumpay ha pagbibiling han diyamente han makasiplat hiya ha ubos.
Didto niya nakitan an diyamante nga nakada ha iya may tiilan.
Dayon naman nga gindara ni Miranda ngan han iya pamilya an napurot nga diyamante ha Diamond Discovery Center han park, kun diin ginkumpirma han mga nagmamangulo didto nga usa ini nga 3.72-carat yellow diamond.
Dugang pa han mga opsiyal, pupuydi nga lumitaw daw ini tungod ha uran ngan igin-anod pakadto ha bawbaw han tuna.
Diri pa naman nagdedesisyon hi Miranda kun igbabaligya niya an diyamante o igbubutang ini ha usa nga singsing
