ODD NEWS – Pira nga doktor ha Shenzhen, China an nagdumara hin emergency endoscopy para makuha an 5 ka pulgada nga kutsara ha tina-e han usa nga pasyente mahuman ini nga aksidente nga matulon.
An pasyente nga igintago ha ngaran nga “Lily” in naireport nga naghulat pa hin 4 ka adlaw ugsa nga kumadto ha ospital mahuman nga makatulon hin stainless steel nga kutsara.
Labot daw ha waray naman gin aabat nga kakaiba hi Lily ha iya lawas, nabaraka hiya nga busy ha ospital tungod holiday ha China han matabo an insidente.
Mahuman an holiday didto la pumakadto ha Shenzhen Nanshan Hospital hi Lily. Dayon hiya nga nagpailarom ha endoscopy tungod nakitan han mga doktor nga nagkamay-ada na hin swelling ngan erosion ha duodenum o entrada han small intestine ni Lily.
Han pakianhan han doktor kun kay ano nakatulon hiya hin kutsara, nahibaruan nga gingamit ni Lily an mao nga kutsara para kuhaon an bukog han isda nga bumara ha iya but-ol. Pero imbes nga makabulig an kutsara, natulon lugod ini niya.
Nagin malinampuson naman an endoscopy ngan pagpapaupay ni Lily.
