ODD NEWS– Naghimo hin kalugaringon kasaysayan an 58-anyos nga hi Kitten Kay Sera, kumo syahan nga tawo nga nagpakasal ha kolor pink!
Nahitabo an wedding ceremony ni Sera ngan han kolor pink han nakalabay la nga Enero 1, 2022 ha A Little White Wedding Chapel ha Las Vegas, Nevada.
Sumala kan Sera, sobra 40 katuig na hiya nga “in a relationship” ha kolor nga pink sanglit nga nahuna-hunaan hine nga pakasalan na an mao nga kolor.
Tuig 1980, gintikangan ni Sera nga kolor pink la an pagsinul-uton nga bado, labot la dinhe, ginsisigurado niya nga an iya papaliton nga mga gamit han iya balay in tanan puros kolor pink.
Magin an iya ayam nga hi Miss Kisses, in ginpakuloran ine niya hin pink an barahibo.
Matungod ha pagka-adik ni Sera ha kolor nga pink, ginbansagan na hiya kumo “Pink Lady of Hollywood”.
Bisan nga damo an katawhan ha iya palibot an nagsisireng nga usa nga kalurongan an magpakasal ha usa nga kolor, pero ha kaluyo hine in gin-aghat pa niya an katawhan nga himuon hine an ira karuyag nga himuon, ngan dire manginlabot ha iya desisyon, an importante in waray hiya napeperwesyo nga tawo ha iya pagpapakasal.
