NATIONAL – Ipapaundang an trial han African Swine Fever kun magkamayda hin problema sumala ha opisyal han Department of Agriculture.
Ini in mahuman nga ginpahimatngun ni anay DA Sec. Leonardo Montemayor an ahensiya nga maghinay-hinay ha pagbubuhat hin trials para ha ASF vaccine.
Ini in kasunod han pahimatngun han World Organization for Animal Health ha mga nasud kontra ha paggamit han substandard nga ASF vaccine para mapuypuy an nasabi nga sakit.
Pero ginklaro naman ni DA spokesperson ASec. Arnel De Mesa nga igpapailarum ha sakto nga proseso an ginbuhat nga trial ha bakuna kontra ASF ngan mababaruan an efficacy hini ha resulta hiton controlled vaccination.
Siyahan na nga ginsigurado han opisyal nga aaprubahan han Food and Drug Administrationa an siyahan nga bakuna kontra ASF para ha commercial distribution yana nga bulan han Hulyo.
