PALO, LEYTE — Ginaaghat ni Archbishop of Palo Most Rev. John F. Du, D.D. an publiko nga himuon nga makabuluhan ngan personal an pag-obserba han Semana Santa yana nga tuig.
Ha iya Holy Week message dida han Huybes Santo, gintagan-duon han arsobispo nga an Semana Santa in dire la tradisyon o ritwal, kundi usa ini nga higayon agud maeksperyensiya an tunay nga koneksyon ha Diyos.
Sumala kan Du, nga an Holy Week in dapat magdara hin “engkwentro” o personal nga koneksyon ha Ginoo, kun diin an aton kada pag-ampo in ginaaghat nga ighalad ha sakripisyo ni Hesukristo.
Ginduon gihapon niya nga an importansya han pag-ampo, pagbasol, ngan pagbalik-loob ha diyos, ha kaluyo han mga ayat ha kinabuhi. Ginaaghat niya an publiko nga himuon nga sentro han ira pag-ampo an pagtuo ha diyos.
Samtang, dugang naman han asobispo, an Semana Santa in panahon han paglaum ngan pagbabag-o, usa nga pahimatngun nga ha kaluyo han pagkukuri in mayda utro nga pagkabuhi.
