Ginkoronahan hi Angelica Lopez han Palawan kumo Reina Filipinas Grand International 2026 ha pinaksyahan nga grand coronation night han pageant nga ginbuhat dida han Biyenes.
Hi Angelica an magigin tinaglawas han Pilipinas ha Miss Grand International 2026, kabalyo ni Emma Mary Tiglao.
Gin perdi ni Lopez an 20 nga iba pa nga kandidata tikang ha magkadiru-dilain nga parte han nasud agud makuha an titulo.
Nakuha naman ni Cleopatra Barrera han Zambales an titulo nga first runner-up, samtang second runner-up hi Isabella Ortega han Camarines Sur.
Ginkilala gihapon hira Zeah Nestle Pala han Mandaluyong kumo third runner-up ngan Luisa Benavides han Caloocan kumo fourth runner-up.
Samtang, hira Anne Patricia Diaz han Maynila ngan Alexie Caimoso Brooks han Iloilo City an napili nga tinaglwas han Pilipinas ha masunod nga edisyon han MGI All Stars mahuman nira makuha an Reina Filipinas MGI All Stars title.
An mga nagdaog in ginpili subay ha gin-urusa nga puntos tikang ha Panel of Judges ngan botos han publiko.
Kaupod ha mga hurado an nternationally acclaimed Filipino designer nga hi Michael Cinco, Miss Grand International 2024 nga hi CJ Opiaza, inaugural MGI All Stars winner nga hi Vanessa Pulgarin han Colombia, ngan first runner-up han MGI All Stars nga sh Nguyen Huong Giang han Vietnam.
