TACLOBAN CITY — Naatubang yana ha kaso nga graft an anay mayor han Hinabangan, Western Samar tungod han gin aalegar nga maanomaliya nga pagpalit hin tuna nga nagkakantidad hin P5000,000 ha mao nga munisipalidad.
Ginpasakahan han Office of the Ombudsman hin kaso nga pagtalapas han section 3(e) han Republic Act No. 3019, o the Anti-Graft and Corrupt Practices Act hi anay Hinabangan Mayor Alejandro Abarratigue.
Basar ha iginhaon nga reklamo han Office of the Ombudsman ha Sandiganbayan, nakabutang nga duro an danyus nga naidurot ni Abbaratigue ha gobyerno matima nga gumasto hin tunga ka milyon piso para paliton an usa nga lote ha tagapagmana han usa nga Isidro Abarracoso.
Ini in ha luyo han waray otoridad tikang ha municipal council an pagpirma han anay alkalde ha disbursement voucher, magin an pag certify han iya municipal treasurer nga hi Raul Tapia ngan pagkarawat han iya administrative officer nga hi Analiza Bagro han mao nga kantidad, nga pareho gihapon naatubang ha mao nga kaso.
Kaparte hini, syahan na nga ginkasuhan an tulo hin grave misconduct dida han Hulyo yana nga tuig parte naman ha kwestyonable nga pabpalit hin lote para daw ha expansion han municipal cemetery.
