TACLOBAN CITY – Ginpusil patay an usa nga anay kapitan ha iya mismo panimalay ha Brgy.Hiratag, San Jose, Northern Samar
Ginkilala an mao nga biktima nga hi Romualdo Opiniano, 51 anyos an pangidaron, anay kapitan han Brgy Chakabaka, Catarman Samar ngan termporyo nga nag-uukoy ha Brgy.Hiratag, San Jose, Northern Samar kun diin ine ginpatay.
Sumala kan PSSrgt.Virgil Lanao, San Jose MPS, nga mayda nagpatahap nga kustomer ha tindahan han mao nga biktima pero pagtalikod naman hine in humugot hin pusil an suspek ngan dida na ginpanmumusil an biktima.
Basar ha inisyal nga imbestigasyon ha Kapulisa nga kalibre 45 an gingamit han mao nga mga suspetsado ha pagpatay han anay kapitan.
Padayon pa naman an ginbubuhat nga imbestigasyon han mao otoridad para ha motibo ngan pangilal-an han mga suspek.
