NATIONAL – Waray pa nakakarawat an Anti-Money Laundering Council (AMLC) nga request tikang ha International Criminal Court (ICC) nga naghahangyo para ig freeze an mga propyedad ni anay Presidente Rodrigo Duterte.
Ha usa nga pahayag, ginmalatumat ni AMLC Secretariat Executive Director Matthew David nga kun magpadara man an ICC hin request ha konseho in igpapailarom anay ine ha serye han evaluation.
Maagi gihapon ine ha konsultasyon kaupod an magkaduru-dilain nga mga government agencies agud matudlok kun patiunan-o an magigin baton han gobyerno han Pilipinas ha request han ICC.
Importante daw ine agud matudlok kun patiunan-o igpapatuman han nasud an ICC request o kun igpapatuman gud ba ine.
Dida han nakalabay nga semana in ginpahayag han AMLC nga ira nga gin aadman an posible nga pag-freeze ha asset han anay presidente ha butnga han mga gap ha legal framework han nasud nga posible magin ayat ha implementasyon han freeze order, in kaso man nga umabot ine.
