-- Advertisements --
NATIONAL – Igin balik ha Philippine National Police (PNP) custodial facility banda alas-2 kakulop, Setyembre 6, hi dismissed Bamban, Tarlac Mayor Alice Guo mahuman nga ine dad-on ha Capas Tarlac Regional Trial Court Branch 109 dida han aga han kaparehas nga adlaw mahitungod han iginpasaka haiya nga kaso han DILG nga graft and corrupt practices act.
Igin mando han korte nga magpapabilin la anay hi Guo ha kustodiya han PNP mahitungod na gihapon na waray ine magpyansa.
Ha parte han legal counsel hi Guo nga hi Atty. Nicole Jamilla, waray pa hira nakikit-an nga rason para magpyansa hi Guo mahitungod nga mayda pa gihapon usa nga warrant of arrest kontra ha anay mayora.
Nagpahayag daw gihapon hi Guo nga mas talwas hiya ha kostudiya han PNP.
