-- Advertisements --
Maabante na ha Round of 16 han Miami Open hi Pinay tennis star Alex Eala mahuman hini perdihon hi Magda Linette han Poland ha score nga 6-3, 7-6(2).
Ha syahan nga set in dominado han 20-anyos nga hi Eala an mulay pero pag abot ha ika duha nga set in nakaabat ini hin panibag-o nga tiebreak.
Hasta nalusutan hini an laban agud dayon hiya nga makaabante ha sunod nga round.
Humagos hin usa ka oras ngan 48 minutos an mulay.
Mababaruan nga tikang pala hi Eala ha pinakamaiha nga laban ha iya karera kontra kan Laura Siegemund nga umabot hin three sets.
Sumala kan Eala, an naging susi ha iya pagdaog in an pagiging mapailubon ngan pasensyosa.
Sunod nga makakaatubang ni Eala hi Karolina Muchova han Czech para ha ika-uapt nga round.
