-- Advertisements --
SPORTS NEWS– Ginkalipay yana hiton Pinay tennis star Alex Eala an pagkakalakip hine ha wild card han Miami Open.
Usa mangud an 19-anyos nga Pinay tennis sensation ha pito nga wildcards ha main draw an napili han Women’s Tennis Association (WTA).
Magtitikang an nasabi nga torneo ha maabot nga Marso 18 ha Hardrock Stadium Miami, Florida.
Hi Eala in presente nga ada ha world number 140 ha WTA ranking ngan nagin junior doubles champion ha Australian Open ngan French Open sugadman ha junior singles titlist ha US Open.
Ginsigurado naman ni Eala nga iya hihimuon an tanan nga iya akos para makabawi ha nagin kapakyasan hine ha torneo yana nga tuig.
