NATIONAL – Iginduon ni Atty. Ade Fajardo, abogado ngan tagapagyakan ni anay House Speaker Ferdinand Martin Romualdez, nga an mga alegasyon nga ginbuyagyag han pira nga testigos ha Senado kontra han anay speaker in “lohikal ngan pisikal nga imposible.”
Sumala kan Fajardo, mismo hi Curlee Discaya an tumestigos ha ilarom han panunumpa nga dire pa hiya bisan san-o nakakasulod ha South Forbes Park, sanglit imposible daw nga mayda gindaupan o gintagan hin anuman nga mando didto.
Dugang pa hine, an mga akusasyon in nagtikang la ha mga tawuhan han usa nga napa-iwas nga tenant ngan waray kalakip nga dokumento nga ebidensya.
Waray daw gihapon ngaran ni Romualde ha anuman nga deed, kontrata, o rekord han bayad kasumpay han nasabi nga propyedad.
Duon ni Fajardo, an pahayag han kontratista nga hi Pacifico “Curlee” Discaya nga dire pa hiya nakakasdulod ha South Forbes Park, in nasalungat ha mga pahayag han duha nga senate witnesses nga gumamit hin alyas nga Joy ngan Marie.
