TACLOBAN CITY – Plano nga magtindog hin usa nga Agricultural State University School an lokal nga pangobyernohan han San Miguel Leyte.
Sumala kan Atty. Norman Sabdao, Mayor han San Miguel Leyte, nga ine an ira napaghimangrawan ni House Speaker Representatives, 1st District Congressman, Hon. Ferdinand Martin Romualdez han pagbisita niya ha opisina hine.
Dugang pa han mao nga alkade, nga nagpatapod hi House Speaker Martin Romualdez nga sususportahan hine an tanan nga mga plano nga proyekto han mao nga lugar.
Ginmalatumat pa hine nga dire la ha bungto han San Miguel Leyte, masuporta hi 1st District Congressman, kundi ha tibuok nga Leyte ha pantag han mga imprastrakturta.
Ginpaangbit pa ni Atty. Mayor Sabdao, nga plano gihapon nga magtindog hi 1st District Congressman,hin Leyte Economic Development Authority, para an probinsya han Leyte an mangunguna ha ngaran hiton ekonomiya, imprastraktura, ngan mga social services nga ginkikinahanglan han tanan nga mga taga Sinirangan Bisayas.
