NATIONAL – Nagpahayag hin pagkabaraka an Armed Forces of the Philippines (AFP) kasumpay ha daw deployment han China’s Peoples Liberation Army Navy Shandong Carrier Strike group ha Philippine Sea.
Ine an syahan nga deployment han nasabi nga Chinese carriers yana nga tuig ha gawas han South China Sea.
Sumala kan AFP Spokesperson Col. Francel Margareth Padilla, ira gintatagan hin duon an importansya han pagpapabilin han kahimyangan ngan kadig-on han rehiyon.
Mahitungod hine, ginpahayag ni Padilla nga ira gin aaghat an ngatanan han partido nga sumunod ha international law partikular an United Nations Convention on the Law of the Sea (UNCLOS).
Ginsigurado gihapon ni Padilla nga an Sandatahang Lakas ng Pilipinas in nakatutok ha panginano ha mga interes ha pandagat ngan pagsigurado ha teritoryo han nasud pinaagi han padayon nga pagbabantay.
Basar ha report, an Joint military exercise han China’s Peoples Liberation Army Navy ngan Russia kaupod an corvettes in presente nga nag-ooperate ha Philippine Sea.
