-- Advertisements --
ENTERTAINMENT – Igin anunsyo han legendary rock band nga Aerosmith nga hira in magreretiro na pagdudumara hin mga concerts.
Ha social media account han banda, igin pahayag hini an nakakasubo nga balita, kun diin usa ha mga rason han ira pag-retiro in an pagkakaada hin problema ha boses han ira lead vocalist nga hi Steven Tyler.
Mahitungod hini, nagdesisyon an Aerosmith nga kanselahon an ira mga concert tours ngan gin sagdonan an mga nakapalit na hin tickets nga puydi an mga ini nga ig-refund.
Manunumduman nga pira han mga gin pasikat nga kanta han nasabi nga banda in an “Amazing”, “Living on The Edge”, “Crazy,” “I Don’t Wanna Miss A Thing,” ngan damo pa nga iba.
